Ginpataas sang Bangko Sentral ng Pilipinas ang threshold para sa cash withdrawals subject sa mandatory enhanced due diligence halin sa ₱500,000 pakadto sa ₱1 million.
Suno sa Bangko Sentral ng Pilipinas, ang tikang nagatuyo nga mapahagan-hagan ang proseso para sa lehitimo nga mga transaksyon sa negosyo samtang ginapabilin nga nakatutok ang pag-monitor sa mga high-risk financial activities.
Base sa Circular No. 1230 nga ginpirmahan sang Pebrero 27, 2026, ang pagtaas sang limitasyon resulta sang konsultasyon sa mga bangko kag industriya, pagkatapos nga natalupangdan nga madamo nga ordinaryo nga transaksyon pareho sang payroll kag loan releases ang apektado sang nagligad nga threshold.
Gin-athag sang Bangko Sentral ng Pilipinas nga magapabilin ang risk-based monitoring kag mahimo nga ipatuman sang mga bangko ang mas istrikto nga internal rules depende sa ila kaugalingon nga risk assessment.
Samtang, wala sang kaanggid nga threshold nga ginapatuman para sa on-cash transactions kaangay sang digital transfers kag check payments.
