Nagpangayo sang pasaylo si BTS member nga si Suga matapos nga madakpan nga yara ini sa impluwensya sang makahulubog nga ilimnon samtang nakasakay sa electric scooter.
Sa social media account sini, gin-istorya sini mga natabo.
Nagikan ini sa isa ka kalan-an kag aminado nga nag-inom sang alak, kag nagpauli ini sakay sa electric scooter sini.
Wala sini gin-ekspektaran nga malayo ang distantsa sang iya nga balay kag aminado man ini nga naglapas ini s batas trapiko.
Natumba pa ini samtng ginaparad sini ang electric scooter sa atubang sang iya puluy-an.
Nag-abot ang mga kapulisan kag ginsukat ang alcohol level sini nga kun sa diin minultahan kag ginsuspende ang lisensya sini.
Dugang pa sang 31-anyos nga BTS member nga wala ini napilasan kag alin man nga nadalahig sa amo nga insidente.
Nagsabat naman ang agency sini kag ginpahayag nga posible nga magapangatubang ang singer disciplinary action bangud nagasilbi ini bilang social service agent.
Madamo sa mga fans sang grupo ang nagpaabot sang pagpangasubo bangud sa natabo.
