-- ADVERTISEMENT --
Ginpakita na sa publiko sang actor nga si Buboy Villar ang iya nga nobya kag tatlo ka bulan nga anak.
Kadungan sang iya ika-27 nga kaadlawan, ginsorpresa siya sang nobya sa isa ka taping sang vodcast.
May dala nga birthday cake ang nobya nga si Khrizza Mae Sampiano.
Kadungan man sini ginbunyagan man ang anak nila nga si Kyrie.
Pareho nga mga malapit nga abyan kag himata lamang ang nagtambong sa bunyag.
-- ADVERTISEMENT --
Sa social media account ni Khrizza, nag-post ini sang family photo kun sa diin ginpasalamatan sini ang actor matapos niya nga tamyawon sa kaadlawan sini.
Matandaan nga may duha ka anak ang actor gikan sa anay live-in partner nga American nga si Angillyn Serrano Gorens.
