Ginsuspinde sang Bureau of Corrections ang apat ka New Bilibid Prison personnels samtang nagapadayon ang imbestigasyon sa nangin stabbing incident sa sulod sang nasambit nga hunongan sang Enero 2.
Nagresulta ini sa pagkapatay sang isa ka person deprived of liberty (PDL’s) kag duha naman ang pilason sa nasambit nga insidente.
Ginkilala ang napatay nga si Ricardo Peralta kag ginkilala naman ang mga pilason nga sanday Reginal Lacuerta kag Bert Cupada.
Suno sa pahayag ni BuCor Director General Gregorio Pio Catapang Jr., suspindido ang apat ka personnels samtang nagapadayon ang imbestigasyon sang pamunuan.
Ginkilala ang mga nasuspinde nga sanday Shift Commander/Acting Commander of the Guards C/INSP Louie Rodelas, Correction Officer 1 Christian Alonzo, Building 8 Keeper, Correction Officer 1 Joshua Mondres, Building 8 Keeper, kag si Correction Officer 1 Glicerio Cinco Jr., Gate 1A Officer.
Samtang, dugang pa ni Catapang ini lamang ang isa ka pruweba nga may yara sang kakulangan sa mga operasyon sini kag at dapat lamang nga magpangatubang sa panumbungon ang mga tawo sa likod sang mga nasambit nga kakulangan.
Nagapangabay naman si Catapang nga magpakig-angut man ang National Bureau of Investigation (NBI) kag Philippine National Police (PNP) nga maghiwat sang isa ka parallel investigation sa nasambit nga insidente.
