ROXAS CITY – Ginkuha na sang pamunuan sang Barangay Bago, Roxas City ang buga nga gintambak sa dalan nga naga-angut sa Barangay Candual, Panay, Capiz.
Ginpahayag ni Barangay Kagawad Maria Renita Balquedra sang Barangay Bago nga ila ginsunod ang mandu sang gobyerno sang syudad nga kuhaon na ang buga sa dalan, agud may maagyan sa tion sang emerhensiya.
Ginbayluhan ang buga sang dalusan nga mahimo buksan sang nagabantay nga mga frontliners sa border sang Barangay Bago kag Barangay Canduay, Panay.
Suno kay Balquedra nga ila ginapangitaan sang quarantine pass ang nagasulod sa border, agud ila mahibaluan kun sin-o kag diin nagahalin ang mga nagasulod.
Samtang ginkumpirma sang opisyal nga si Kapitan Ely Azarraga mismo ang nagmandu nga kuhaon ang buga, bilang pagsunod sa mandu ni Mayor Ronnie Dadivas.
