ROXAS CITY – Nagapanumbalik ang pagpanagtag sang 15 kilos nga bugas, ang City government sa mga residente sang Roxas City.
Ini ang ginpahayag ni Mr. Percy Cordova, sang City Social Welfare and Development Office (CSWDO), sang mainterview sang Bombo Radyo.
Suno kay Cordova, gin-resume ang food security program sumugod sang Marso 1, kun sa diin, nakabaton sang bugas ang mga pumuluyo sang Brgys. Bato nga masobra 500; Cagay nga masobra sa 1,000 kag subong nga Lunes magapanghatag sila sa Brgy. Tiza.
Dugang pa ni Cordova nga ginkuha ini nga pondo sa 50 million nga 2023 budget sang food security program, pinaagi sa emergency purchase bangud sa nakikita suno diri nga kinahanglan sang tawo ang bugas, nga nakabakal sang 4,050 ka sako nga may balor nga mas o menus 7 tubtob 8 million pesos.
Aminado si Cordova nga may deperensiya sa presyo sini nga mga bugas kag sa kapution kag kalidad, ikumparar sa nagligad nga ginapanghatag.
Samtang, pagasuguran ang pre-bidding conference, buwas nga adlaw, Marso 7, kun sa diin gina-imbitahan ang nagkalain-lain nga interesado nga supplier nga mag-discuss sang ila terms and conditions, volume of requirements kag iban pa, in terms sa kalidad sang bugas.
