ROXAS CITY – Hilway na sa katalagman ang 18 anyos nga soltero matapos nga nakatulon sang buhi nga isda sa Barangay San Ramon, Pilar, Capiz.
Natukiban sa pila ka mga medical staff sang Roxas Memorial Provincial Hospital nga ginsuka ni Alan Bataga ang iya natulon nga isda rason nga wala na ini gin operahan.
Nakompirmar naman sa resulta sang ginpatigayon nga X-Ray nga natulon sang biktima ang nasambit nga isda.
Matandaan nga nagapangdakop sang isda ang biktima sang nakit-an sini nga nag awas sa iya bitbit nga balde ang mga isda.
Sa katuyuan nga madakpan ang nag awas nga mga isda, ginsulod sang biktima ang isa ka gamay nga isda sa iya nga bibig.
Apang sa wala ginalauman nga hitabo, gulpi nga naghulad ang isda kag sa kakibot sang biktima, gulpi niya ini nga natulon.
