ROXAS CITY – Gindugukan sa broadcast center sang Bombo Radyo Roxas ang presensiya sang isa ka haranista nga bulag, kumpol ang isa ka kamot, apang maayo mag-amba kag maggamit sang gitara
Gikan pa sa Barangay Tuburan, banwa sang Maayon, probinsiya sang Capiz si Gabriel Dilla, Jr., 30-anyos agud ipakita ang iya nga talento.
Kasunod sang pagkanta ni Dilla sang ambahanon nga ‘Mapin-ot Ang Dughan’, ginbaha sang messages ang textline number sang Bombo Radyo Roxas bangud madamo ang natandog sa iya manami nga tingog.
Madamo nga mga tagpalamati sang Bombo Radyo Roxas ang natandog ang balatyagon kag nagbilib kay Dilla, bangud sa pihak sang nangin sitwasyon sini, maisog pa sini nga ginbaton ang pagpanghangkat nga dala sa kabuhi.
Sa interview sang Bombo Radyo Roxas, ginpahayag ni Dilla nga apisar ginbun-ag ini nga bulag, wala ini nangin upang aud mapabati sini ang iya nga tingog sa kadam-an.
Suno kay Dilla nga apat ka tuig ini sang mautod ang natuo nga kamot matapos nga gintiro sang iya nga kahampang sang pugakhang.
Indi man sini malimtan ang Bombo Radyo Roxas, bangud isa ka reporter sang Bombo Radyo ang una nga nag-interview sa kanya matapos ang insedente rason sang ini ang matubuan sang buot ginhandum na sini nga makatapak sa istasyon sang Bombo Radyo kag mangin kabahin sang programa nga Harana Live tagsa ka Domingo sang gab-i.
Sa karon, may nobya si Dillo nga taga Cagayan de Oro City nga amo ang nagahatag sa iya sang inspirasyon.
