Naglab-ot naman sa 127 ka low-magnitude nga linog ang narekord sang Bulsan sa probinsya sang Sorsogon sa sulod sang isa ka gab-i.
Ini matapos nga na-record ang phreatic ukon steam-driven eruption sang nagligad nga bulan.
Suno sa Philippine Institute of Volcanology and Seismology, nagapabilin sa gihapon sa Alert Level 1 ang bulkan.
Subong man kagab-i, nagbuga man sang sulfur dioxide ang bulkan sa kadasigon nga 809 tons kada adlaw.
Nagbuga man ini sang plume nga ginabulubanta nagalab-ot sa 150 metros ang kataason samtang padayon nga nagahuyop ang crater sini.
Kaangot sini, padayon nga ginapahanumdom sang ahensiya nga hugot sa gihapon nga ginadumilian ang pagsulod sa apat ka kilometro nga permanent danger zone kag pagpalupad sang eroplano malapit sa bulkan.
