Liwat nga nagbuga sang abo ang Bulkan Kanlaon sa Negros Island subong nga adlaw, suno sa Philippine Institute of Volcanology and Seismology (PHIVOLCS).
Base sa record sang Kanlaon Volcano Observatory, ang pagpaguwa sang abo ang nagsugod sang alas-8 sang aga sa palibot sang bulkan.
Sa video nga ginhatag sang Philippine Institute of Volcanology and Seismology (PHIVOLCS), makita ang mga abuhon nga plume nga nagtupa sang 500 metros gikan sa crater kag nagalibot halin sa bulkan pakadto sa southwest nga direksyon.
Suno pa sa ila, nagapabilin sa Alert Level 2 (Increased Unrest) ang bulkan.
Nahibaluan nga sang Sabado, nakabalhag ang Philippine Institute of Volcanology and Seismology (PHIVOLCS) sang 65 ka mga volcanic earthquakes kag 1,638 tonelada nga sulfur dioxide emission halin sa palibot sang bulkan.
Dugang pa sini, may mga moderate nga plumes nga nakalab-ot sang 650 metros ang kataason, nga nagalibot pakadto sa west-northwest.
Nagpaandam ang Philippine Institute of Volcanology and Seismology (PHIVOLCS) nga indi magsulod ang publiko sa apat ka kilometro nga radius nga permanent danger zone kag ginbawal man ang paglupad sang mga eroplano malapit sa bulkan.
