-- ADVERTISEMENT --
Tatlo ka beses nga nagbuga sang volcanic ash ukon abo ang Bulkan Kanlaon sa Negros Island.
Suno sa Philippine Institute of Volcanology and Seismology (PHIVOLCS), nagdugay sang pila ka minuto ang nabalhag nga ashing events sa bulkan sa nakaligad nga 24 oras.
Samtang may nabalhag man nga 17 volcanic earthquake ukon pagyanig kag pag guwa sang gas ukon sulfur dioxide flux nga nagdangat sang 3,244 ka tonelada.
Nagbuga man ang Bulkan Kanlaon sang 500 metro ka taas nga plume kag nakitaan man sang pag-maga ang bulkan.
Nagapabilin nga yara sa Alert Level 2 ang bulkan, pero siling sang PHIVOLCS nga wala man ginakakas ang posibilidad sang eruptive unrest kag pagtaas sang alert level bangud sa aktibidad sini sa karon.
-- ADVERTISEMENT --
