-- ADVERTISEMENT --
Hugot nga ginabantayan sa karun sang Philippine Institute of Volcanology and Seismology (PHIVOLCS) ang aktibidad sang bulkang Kanlaon.
Ini matapos nga mamonitor nila ang pagbuga sini sang madakmol nga sulfur dioxide sadtong nakaligad nga adlaw.
Isa ini suno diri sa pinakamataas nga gas emission nagikan sa bulkan kun sa diin may average nga 4,839 nga tonelada.
Sa karun, nagapabilin ini nga naka-alert level 2 bangud sa nakaligadnga 24 oras, nakapagkit ini sang 20 volcanic earthquake sa Kanlaon kag plume nga may 500 metro ang kataason.
Pahanumdum sang ahensya sa publiko nga likawan nga magpadulong ukon magpalapit sa permanent danger zone sa palibot sang bulkan bangud may posibilidad pa ini nga mag-angkon sang phreatic explosion.
-- ADVERTISEMENT --
