ROXAS CITY – Padayon nga ginabantayan sang gobyerno sang Indonesia ang Bulkang Ruang, bangud sa padayon sini nga pagbuga sang mga bato kag lava nga makahalit sa mga pumuluyo nga malapit sa lugar.
Sa interview sang Bombo Radyo kay Bombo International Correspondent Ginavella Limpin-Cumla sa Indonesia, ginpahayag sini sumugod naglupok ang amu nga bulkan sadtong Martes sang gab-i kung sa diin, nagdala ini sang mabaskog nga pagtay-og sa lugar gilayon nga nagpaguha sang abiso ang gobyerno sa mga pumuluyo nga malapit sa bulkan nga mag-evacuate.
Suno kay Cumla kinahanglan pa sang mga residente nga magsakay sa baruto antes makapadulong sa evacuation center.
Mahibaluan nga yara sa masobra 11K nga mga pumuluyo ang ginapa-evacuate sa lugar kung sa diin 878 pa lamang diri ang yara sa datos.
Apisar nga nakalupok na ini nagapabilin sa gihapon suno kay Cumla ang tsunami alert sa lugar.
Matandaan una na nga naglupok ang Bulkang Ruang sadtong 2002.
Kaangut sini magluwas sa Bulkang Ruang, ginabantayan man sang country’s National Disaster Mitigation agency ang mga kaiping sini nga mga bulkan kung sa diin nagapakita man sang senyales nga maglupok.
