Ginselebrar sang Bureau of Fire Protection (BFP) ang ika-35 nga anibersaryo sang pagkakatukod sini, nga nagapakita sang padayon nga commitment sang ahensya sa pagserbisyo kag pagprotektar sa kabuhi kag propiedad sang publiko.
Sa interview sang Bombo Radyo kay Fire Chief Superintendent Edwin P. Vargas, Regional Director sang BFP Region 6, iya ginpahayag nga padayon nga ginapabaskog sang ahensya ang fire prevention, fire suppression, rescue operations kag iban pa nga emergency response services sa mga komunidad.
Kabahin man sa ginahatagan sang importansya amo ang fire safety inspections kag edukasyon sa publiko agud malikawan ang sunog kag iban pa nga insidente nga mahimo magbutang sa peligro sa kabuhi kag propedad.
Dugang pa sang natungdan, samtang ginaselebrar ang ika-35 nga anibersaryo, magapadayon ini sa pagpalapad sang fire prevention kag safety awareness programs para sa mas luwas nga komunidad.
