Suportado sang Bureau of Fire Protection- Lawaan Fire Substation ang ” Gulayan sa Office Program”, nga may tinutuyo nga makahatag sang food security, sustainability kag environmental awareness.
Sa interview sang Bombo Radyo kay Senior Fire Officer 1 Junemar Galve, Chief Public Information Section sang Bureau of Fire Protection, iya ginpahayag nga ang pagbinuligay sang tagsa ka personnel kada substation naghatag sang ideya sang pagtanom sang nagkalain-lain nga utanon.
Suno kay Galve, magluwas sa Lawaan Fire Substation may yara man sang mga mini garden ang tagsa ka substation sang Loctugan, Culasi, Central Fire Station kon sa diin ang ila nga mga utanon ang mahimo mapangayo sang pumuluyo.
Pahayag niya, daku man ang mabulig sang programa agud mabuhinan ang stress kag isa man ka pagganyat nga magkaon sang preska nga utan agud mas mangin aktibo kag mabaskog sa ila nga trabaho.
Dugang pa sang natungdan, plano man nga palaparon pa ang programa pamaagi sang pagtanom sang mas madamo nga utanon kag pagpalapad sang garden area agud mas maka-ani sang mas madamu pa nga sahi sang utan.
