Naka-red alert status na ang Bureau of Fire Protection Roxas City sa pag-obserbar sang Semana Santa.
Sa interview sang Bombo Radyo kay Senior Fire Officer 1 Junemar Galve, Public Information officer sang Bureau of Fire Protection- Roxas City, iya ginpahayag nga humalin pa sang March 29 tubtob sa Abril ang pagpatuman sang nasambit nga alert status.
Suno kay Galve, magadeploy sila sang 77 ka mga personnel sa syudad sang Roxas nga maga-conduct sang inspeksyon kaangay sang transport terminals, simbahan, airport kag naga-umpisa na ang ila nga fire truck sa pagpatigayon sang fire truck visibility sa pag-conduct sang rekorida agud maghatag sang fire safety tips sa mga pumuluyo.
Pahayag pa niya, magapahamtang man sila sang First aid service team agud magbulig sa tion nga may maglain sang pamatyag.
Nagpanugyan man ang natungdan sa publiko nga siguruhon ang mga puluy-an antes maglakat, istekyar ang mga dapugan, mga altar kag nakasaksak nga mga gamit agud malikawan ang sunog sa sa Semana Santa.
