Padayon ang pagpatigayon sang Oplan Semana Santa sang Bureau of Fire Protection Tapaz Capiz.
Sa interview sang Bombo Radyo kay Fire Inspector Rayman D. Vela, Acting Municipal fire Marshal sang Bureau of Fire Protection Tapaz Capiz, iya ginpahayag nga magadeploy sila sang ila mga katapo sang nagkalain-lain nga lugar nga ginadugukan sang tawo sa tion sang semana santa kaangay sang simbahan kag transport terminal.
Suno kay Vela, magapahamtang man sila sang mga help desk para may mapalapitan ang mga pumuluyo nga nagakinahanglan sang bulig ukon may pamangkot.
Pahayag pa niya, nagakakig-angot man sila sa local government unit kag mga Barangay council sang banwa sang Tapaz agud mas madasig ang pag responde sa tion sang ano man nga sahi sang insidente.
Nagapanawagan man ang natungdan nga mangin aligmat kag maghalong sa tanan nga tion agud mangin matawhay ang pag obserbar sang Semana Santa
