Natumod na sang Bureau of Immigration (BI) ang pangalan nga gingamit ni self-confessed kag anay Davao Death Squad hitman Edgar Matobato agud makaguha sa pungsod.
Suno kay BI spokesperson Dana Sandoval, nga ila natumod ang modus nga ginhimo ni Matobato.
Matandaan nga sadtong Enero 5 sang nareport nga nakaguha na sa pungsod si Matobato matapos ang pila ka bulan pagsangkot kay anay Presidente Rodrigo Duterte angut sa mga kinagamo nga ginaka-ulamiran sini.
Sa ginpaguha nga report sang isa ka international nga pahayagan nga nag-ilis sang pangalan si Matobato kun sa diin ginbutang sini sa iya job description bilang hardinero.
Wala suno ini nakilala sang mga immigration officers rason nga madasig nga gintatakan ang iya pasaporte.
Ginpahayag nga padulong sa Dubai ang flight sini apang wala na ginsambit pa kun sa diin ini magapadulong.
