Gin-appoint sang Samahang Basketbol ng Pilipinas si Burke “BT” Toews bilang bag-o nga head coach sang Gilas Pilipinas Women.
Si Toews ang magabulos kay Patrick Aquino nga nagpanguna man sa national team sa malawig nga panahon kag nagbulig sa pagpasanyog sang Gilas Women sa international basketball scene.
Kilala man Toews sa iya madinalag-on nga pagpanguna sa Fujitsu Red Waves sa Japan kon sa diin nagdaug sila sang sunod-sunod nga kampeonato sang 2024 kag 2025.
Ginalauman man nga siya ang magapanguna sa kombinasyon sang mga beterano kag lamharon nga mga humalampang sang Gilas Women kalakip sanday Jack Animam, Afril Bernardino, kag Kacey Dela Rosa.
Sa subong yara sa ika-30 nga pwesto ang Gilas Women sa world rankings matapos ang ila madinalag-on nga kampanya sa nagkalain-lain nga international tournaments subong nga tuig.
