Gintalakay ni Prosecution spokesperson Robert Ace Barbers ang mga negosyo ni Vice President Sara Duterte kag kun bala nagapabilin ini nga interesado ukon kabahin sa ila pagdumala samtang yara sa pwesto.
Suno kay Barbers, gin-usisa sang prosekusyon ang mga dokumento nga ginsumiter mismo ni Duterte sa gobyerno, lakip ang iya Statement of Assets, Liabilities and Net Worth (SAL-N), General Information Sheet (GIS) sang mga kumpaniya, kag income tax returns (ITR).
Base sa SAL-N, nakadeklarar ang business interest ni Duterte kag sang iya asawa nga si Manases Carpio sa bug-os niya nga termino bilang bise presidente.
Dugang pa ni Barbers, nadugangan pagid ini samtang yara pa siya sa pwesto.
Ginpaathag ni Barbers nga sa idalom sang Konstitusyon, ang presidente kag bise presidente ang ginadumilian sa pagdumala sang mga negosyo kag may yara sang pinansyal nga interes sa mga kontrata sang gobyerno samtang yara sa pwesto.
