Wala sang kanselasyon sa byahe sa Culasi port sa pihak sang mabaskog nga pagtay-og sang linog sa Capiz.
Sa interview sang Bombo Radyo kay Senior Chief Petty Officer Arnel Nisola, Chief Master at Arms sang Philippine Coast Guard Capiz, iya ginpahayag nga nagapabilin sa normal ang operasyon sang mga barko kag iban pa nga sakayang pandagat.
Suno kay Nisola, nakabatyag man ang ila nga istasyon sang pagtay-og sang linog kagab-i kag gin pang alerto ang tanan nga mga sub-stations sa bug-os nga probinsya sang Capiz agud bantayan sa tion nga may magkinahanglan sang
Pahayag pa niya, nagapadayon ang ila monitoring sa hulag sang baybayon.
Dugang pa sang natungdan, wala sang nabalhag nga kahalitan sa mga establisyemento kag imprastraktura lakip na ang ila nga mga talatapan sa bug-os nga probinsya.
