-- ADVERTISEMENT --
Nagapabilin nga normal ang operasyon kag byahe sang mga sakayang pandagat sa probinsya sang Capiz subong nga Undas 2026.
Sa interview sang Bombo Radyo kay Senior Chief Petty Officer Arnel O. Nisola, Chief Master-at-Arms sang Coast Guard Station Capiz, iya ginpahayag nga wala sang problema sa byahe sang mga sakayang pandagat sa subong nga holiday.
Suno kay Nisola, ginalauman nga magdamo pa ang mga pasahero sa masunod nga mga adlaw bangud magabalik na ang mga ini sa ila tagsa ka lugar matapos ang pagbisita sa ila mga himata nga nagtaliwan.
Dugang pa sini, wala pa sang nare-cord nga kanselasyon sang byahe tubtob sa Nobyembre 3, 2026.
