ROXAS CITY – Ginbali karon sang Public Information Officer sang Civil Aviation Authority of the Philippines (CAAP) ang naglapta nga report kahapon nga may empleyado sang Bombo Radyo Roxas nga nakasulod kag nag-monitor sa Roxas City airport antes pa man mag-abot ang kontrobersiyal nga si Patroceño Don Chiyuto, CEO sang Chiyuto Creative Wealth Document Facilitation Services (CCWDFS).
Ginklaro ni Arjay Villarde, PIO sang CAAP –Capiz nga wala sang kamatuoran ang nasambit nga report, sa diin ginkatingala sang ila talatapan kun sin-o ang yara sa likod sang pagpatalang nga balita nga gintunaan sang tensyon sa guwa sang paluparan sa diin nahamtang ang mga supporters ni Chiyuto.
Suno kay Villarde nga indi lipod sa tanan nga hugot nga ginadumilian ang pagsulod sang media magluwas lamang kun may mga event sa diin naga-cover sila.
