Wala pa sang pahayag ang Provincial Disaster Riske Reduction Management Office (PDRRMO) nga may mga residente nga nagikan sa Cagayan kag Batanes ang gin-evacuate bangud sa Bagyong Julian.
Ini sa pihak sang na-eksperyensyahan nga pag-ilinulan kag mabaskog nga hangin sa mga nasambit nga probinsya.
Ginsiguro naman sang gobyerno lokal sang Cagayan kag Batanes nga preparado na sila kag nakaplastar na ang ila contigency plan.
Naka-alerto man sa karun ang mga otoridad bilang pagpreparar sa pagpanglaslas sang Bagyong Julian.
Suno kay Cagayan PDRRMO head Ruelie Rapsing nga naka-eksperyensya ang Cagayan sang moderate to heavy nga pag-ulan samtang ang southern portion sang probinsiya naman naka-eksperyensya sang light to moderate nga pag-ulan.
Kadungan sini, ginpaidalum na sa red alert ang northeastern municipalities kag nakapre-deployed na sa karun ang mga quick response teams.
Naka pre-positioned naman ang mga food and non-food items, mangin ang mga assets nga kinahanglan para sa pagahiwaton nga preemptive evacuation.
Samtang ginbatak na sa Tropical Cyclone Wind Signal No. 2 ang northeastern portion ang mainland Cagayan ang Santa Ana kag ang eastern portion sang Babuyan Islands.
