ROXAS CITY – Nagapadayon ang calamity loan sang Pag-IBIG tubtob Agosto 23 ilabi na sa mga mangunguma nga naapektuhan sang kalamidad kaangay sang El Niño.
Sa interview sang Bombo Radyo kay Mr. Roland Gilo, Branch Manager sang Pag-IBIG Roxas City, ginpahayag sini nga mahimo pa maka-avail sang calamity loan ilabi na ang mga mangunguma nga prayoridad bangud yara pa sa state of calamity ang probinsya sang Capiz.
Suno kay Mr. Gilo, as of last week may yara na sang 5,138 ka mga na-process nga application nga naka-avail sang calamity loan.
Pahayag pa sini nga padayon ang pagpadulong sang mga tawo sa ila talatapan bangud may manubo nga interest sang calamity loan.
Ang requirements sa calamity loan amu ang mga masunod:
Application form, Valid ID, Loyalty Card Plus kag Certification of Net Pay.
Mahimo suno diri mag-file over the counter kag pwede man online application.
Samtang mahimo man maka-loan ang isa ka member apisar may multi-purpose loan ini.
