Nagluntad ang mainit nga pagbaisay sa House plenary sa tunga nanday Caloocan Rep. Edgar Erice kag Iloilo Rep. Janette Garin matapos ginkwestyon ni Erice ang ginaalegar pagpasilabot ni Majority Leader Sandro Marcos sa deliberasyon.
Suno kay Erice, indi mapakita ang matuod nga purpose sang minority bloc bangud daw kaangay nga ang majority ang nagapanguna sa proseso, partikular na sa isyu sang substitute bill para sa Anti-Political Dynasty.
Gilayon nga nagsabat si Garin kag nagpanindugan nga indi dapat paghimuon nga personal ang mga deliberasyon, kag ang katuyuan sang kadam-an amo ang pagsiguro sang matalunsay nga proseso sang nasambit nga proposal.
Gin-ungkat man ang appointment kay Erice nga ginaalegar base sa suhestyon sang isa ka anay mamalidha sang 19th Congress.
Ang pagbayluhanay sang mga tinaga natabo pila ka adlaw matapos ginkakas si Erice bilang senior deputy minority leader kag ginbuslan ni Rep. Leila de Lima, kasunod sang iya pagpamatok sa nasambit nga substitute bill.
