Tropical Depression Caloy nagapabilin sa iya kusog samtang nagapadayon ini sa paglihok paamihanan (northward) sa may dagat sa sidlangan sang Eastern Visayas.
Suno sa Philippine Atmospheric, Geophysical and Astronomical Services Administration (PAGASA), ang sentro sang bagyo nakita mga 470 kilometros sa sidlangan sang Guiuan, Eastern Samar. May dala ini nga maximum sustained winds nga 45 km/h kag pagpalapta sang hangin nga nagaabot 55 km/h.
Ginpaathag sang PAGASA nga bisan nagapadayon ang paglihok ni Caloy, indi ini ginapaabot nga direktang makaapekto sa Pilipinas, kag wala sang storm signal nga ginpatuman.
Gina-expect man nga magapadayon ini sa paglihok paamihanan kag posible nga magluya pa gid sa masunod nga mga oras kag mahimo nga mangin remnant low.
