CAMBODIA – Safe nga nakabalik sa Cambodia ang mga opisyal, coaches kag athletes halin sa pito ka mga sports matapos nga nag-withdraw ang nasambit nga pungsod sa 33rd SEA Games 2025 sa Thailand.
Suno kay Bombo April Dawn Hermonio, International Correspondent nagikan sa Cambodia, iya ginpahayag nga nag-withdraw ang Cambodian team bangud sa serious concerns sa safety conditions sang mga delegasyon.
Pahayag ni Hermonio, apisar nga wala naka-compete ang mga atleta sa ano man nga events sang SEA Games sa Thailand, nahimo naman sang Cambodia ang ila responsibilidad bilang committed ASEAN member, nga naangot sa international sports diplomacy practices.
Ginpahayag naman ni Vath Chamroeun, secretary-general of the National Olympic Committee of Cambodia (NOCC), nga ang desisyon nga mag-withdraw sa sports event ang bangud sa mga concerns nga ginpalab-ot sang pamilya sang mga atleta.
Nahibaluan nga ang Cambodia ang natalana kuntani nga mag-compete sa 12 sports sa diin may yara team nga ginabug-osan sang 137.
Apang, pito lamang ka team ang nakaabot sa Thailand kaangay na lang sang swimming, jujitsu, taekwondo (WT), table tennis, gymnastics, athletics kag jet ski.
Ang nabilin nga anum ka sports kaangay sang kickboxing, e-sports, equestrian, kun bokator, triathlon kag iban pa nga gymnastics team ang wala makaabot sa Thailand.
