Magapatuman ang Canada sang mga taripa sa pila ka mga produkto gikan sa Estados Unidos pagkatapos nga ginpatuman sang Washington ang 50% nga taripa sa ginabanta $20 billion nga balor sang mga produkto sang Canada.
Suno kay Canadian Prime Minister Mark Carney, ang Canada magapatuman sang bag-o nga mga taripa sugod sa Septyembre 8, nga nagapuntirya sa mga industriya sang Estados Unidos kaangay sang steel industry, dairy products, electronics, kag iban pa.
Dugang pa ni Carney, tuyo sini nga maproteksyunan ang mga mamumugon, mangunguma kag negosyo sa Canada matapos nga napaslawan ang pila ka adlaw nga negosasyon sa tunga sang duha ka pungsod.
Samtang, nagalaum nman ang Canada nga mapabakod ang iban pa nga mga alyansa sa negosyo agud mabuhinan ang ila pagsalig sa Amerika, nga nagabakal sang daku nga bahin sang mga export sang pungsod.
