Ginanunsiyo sang Canada, ang ila retaliatory tariffs batuk sa Estados Unidos.
Ang nasambit nga tikang ang pagsugod sang trade wars sa tunga sang magkaiping nga pungsod.
Suno kay Canadian Prime Mnister Justin Trudeau, may yara sang 25 percent nga ipasaka sini nga taripa sa mga produkto sang US kaangay sang beers, wines, household appliances kag mga sporting goods.
Dugang pa ni Trudeau nga gintupungan lamang nila ang tikang nga ginpatuman sang Estados Unidos batuk sa Canada kag Mexico subong man ang dugang nga 10% nga taripa sa China.
Ginsiling man sang Canadian Prime Minister nga indi siya mag-untat sa pagpakigbato sa mga nasakupan sini apang nagpaandam sang posible mga negatibo nga maatubang ilabi na sa mga yara sa border sang kada pungsod.
Mahibaluan nga ang taripa sa 20-B nga balor sang mga produkto sang US, igapatuman sa adlaw sang Martes kag ang dugang naman nga 125-B sa 21 diyas agud mahatagan sang tion nga
maka-adjust ang mga negosyante nagikan sa Canada.
Matandaan kung ngaman gintuman ni Trump ang pagpasaka sang mga taripa bangud sa kahangawa batuk sa illegal immigrations kag drug trafficking.
