Gin-anunsyo sang Canada nga magapasaka tubtob 50% nga counter-tariffs sa halos C$28 billion nga balor sang mga balaklon gikan sa Estados Unidos bilang balos sa bag-o nga mga taripa nga ginpatuman ni Presidente Donald Trump sang Estados Unidos.
Suno ka Finance Minister François-Philippe Champagne nga maga-epekto ang taripa sa Setyembre 8 sa mga produkto kaangay sang asero, muwebles kag panapton agud maprotektahan ang mga mamumugon kag negosyo sa iya pungsod.
Ang pagbinaisay nagtuhaw pagkatapos sang negosasyon sa negosyo sa tunga sang duha ka pungsod, sa diin ang duha ka bahin nag-akusar sa isa kag isa sang indi makatarunganon nga mga pangabay.
Samtang ang gobyerno sang Canada nagpasugot man nga maghatag sang C$7.5 bilyon nga bulig para sa mga industriya sa pungsod agud malikawan ang pagkadula sang trabaho sa mga residente samtang nagapadayon ang mga tensyon sa negosyo.
Ini nga sitwasyon nagtuga sang kahadlok sa pagtaas sang presyo sang mga balaklon sa duha ka pungsod kag nagbutang sa peligro s palaabuton nga USMCA free trade agreement.
