Canada, nakuha ang historic nga una nga kadalag-an sa FIFA World Cup

Nagsinadya ang Canada matapos makuha ang ila una nga kadalag-an sa FIFA World Cup paagi sa 6-0.

Ginpangunahan ni Jonathan David ang Canada pinaagi sa tatlo ka goal ukon hat-trick.

Nagdugang man sang goal sanday Cyle Larin kag Nathan Saliba, samtang may isa man ka own goal ang Qatar.

Nadulaan sang duha ka manughampang ang Qatar matapos mabaton ang tig-isa ka pula nga card, nga nakabulig sa Canada nga mas magdominar sa hampang.

Linibo ka mga fans ang nagsaulog sa nagkalain-lain nga bahin sang Canada, lakip na sa Niagara Falls.

Makasaysayan ang ini nga kadalag-an bangud amo ini ang una nga pagdaog sang Canada sa FIFA World Cup halin sang sang 1986.