Canadian model Winnie Harlow, engaged na kay NBA player Kyle Kuzma

Malipayon nga gin-anunsiyo ni Canadian model Winnie Harlow ang iya nga engagement kay NBA star Kyle Kuzma.

Sa social media account sini, ginpakigbahin niya ang laragway nila nga duha nga may suksok ini nga engagement ring.

Ginrepost naman ni Milwaukee Bucks player ang social media post sang model.

Ginhiwat ang proposal sa Turks kag Caicos kun sa diin sila ang nagbakasyon.

Si Harlow ukon Chantelle Brown-Young sa matuod nga kabuhi nga nadiagnosed sang vitligo isa ka klase sang nagkalain-lain nga kolor sang panit sa edad pa lamang sini nga apat.

Nagsikat ang modelo sa pagpasakop sa America’s Next Top Model sadtong tuig 2014.

Nagbubo naman sang pagtamyaw sa duha matapos nga mabalitaan ang nasambit nga engagement sang duha.