Ginalantaw sang Capiz Police Provincial Office ( CPPO) ang CAPEACE-TAWHAYAN Program isa ka pamaagi agud mapabaskog ang seguridad kag kag katawhay sa probinsya.
Sa interview sang Bombo Radyo kay Police Major Rachelle D. Garnica, Public Information Officer sang Capiz Police Provincial Office, iya ginpahayag nga ang amo nga programa nagahatag sang oportunidad nga mapaathag sa publiko ang nagkalain-lain nga programa kag aktibidad sang kapulisan para sa komunidad.
Suno kay Garnica, paagi sa paggiya ni Regional Director Police Brigadier General Randulf T. Tuaño kag sa pagpanguna ni Provincial Director Police Colonel David L. Cachumbo Jr., ginapabaskog pa ang pagbinuligay sang Philippine National Police, Lgu’s, opisyal sang barangay kag mga pumuluyo.
Dugang pa sang natungda, importante ang aktibo nga partisipasyon kag kooperasyon sang publiko agud mangin mas epektibo ang mga programa sang kapulisan kag mapabaskog ang pagsalig sang komunidad sa mga otoridad.
