Gin-engganyo sang Capiz Electric Cooperative ukon CAPELCO ang mga konsumidor nga magpatakod sang solar panels agud makabulig nga mapahagan-hagan ang mataas nga demand sang kuryente sa rehiyon.
Suno kay Engr. Edgar Diaz, general manager sang CAPELCO, wala nagabawal ang talatapan sini sa pagpatakod sang solar panels kag kinahanglan lamang nga ipahibalo ini sa kooperatiba agud mahibaluan sang maintenance team.
Ginpahayag man sini nga ang sobra nga kuryente nga ginaproduce sang solar panels mahimo ma-export sa CAPELCO paagi sa net metering kag mahimo mangin credit sa bill sang konsumidor.
Gina-engganyo man sini ang mga konsumidor nga magpakonsulta sa CAPELCO para sa proseso sang pagpa-install sang net metering.
Samtang, yara na sa 229 ka households kag establishments sa Capiz ang may solar panels nga may net metering.
