Ginklaro sang Capiz Electric Cooperative ukon CAPELCO nga posible nga sa masunod pa nga billing mangin epektibo ang mandato sang Energy Regulatory Commission (ERC) nga ipatuman ang Regional Price Cap agud mapanubo ang balayaran sa kuryente sa Visayas.
Sa interview sang Bombo Radyo kay Engr. Edgar Diaz, General Manager sang CAPELCO, iya ginpahayag nga isa sa mga rason sa pagpatuman sang price cap sa kuryente amo ang pagsaka sang demmand nga amo ang nagapamahal sa balayran.
Suno kay Diaz, nakita sang ERC nga may diperensya sa pricing sang kuryente kag indi ini normal bangud sa kakulang sang supply, gani ginpatuman ang Regional Price Cap agud makontrol ang sobra nga pagsaka sang presyo.
Nahibaluan nga masami maeksperyensya sa mga lugar sa Visayas kag Mindanao ang Yellow Alert kag Red Alert status bangud sa kakulang sang power supply, nga mahimo man makaapekto sa presyo sang kuryente.
