CAPIZ – Ginapabugal sang Capiz Provincial Environment and Natural Resources Office (CaPENRO) ang mga programa kag proyekto nga nahimo sang talatapan sa sulod sang tuig 2025.
Sa interview sang Bombo Radyo kay Mr. Ronald Cullo, Head sang CaPENRO, iya ginpahayag nga natigayon sila nga makahatag sang masobra 13,000 seedlings sa mga pumuluyo sang Capiz para sa ila tree growing activity.
Suno kay Cullo, may yara sila sang community pantry nga ginabutang sa mga banwa sa diin nagadala sang commodities ang CaPENRO kabaylo sang seedlings halin naman sa mga pumuluyo.
Ginkalipay man sang natungdan ang nabaton nga P10 million grant sang Provincial Government sa pagpa-improve sang 10 ka ektarya nga tamnan sang Philippine native trees sa Dolores, Dumalag, Capiz.
Dugang pa niya, may yara sang 22,325 nga mga mangroves ang natigayon nga matanom sa bilog nga coastal areas sa Capiz sa bulig sang nagkalain-lain nga mga institusyon.
Nagpanawagan si Cullo sa publiko nga magpakig-angot sa CaPENRO kun nagakinahanglan sang seedlings bangud libre ini nga ginahatag sang talatapan.
