CaPENRO Head Atty. Depon, ginpabugal ang pag-kampeon sa Excellence in Environmental Governance ukon EXCELL Awards sang DILG

ROXAS CITY – Ginpabugal sang pinuno sang Capiz Environment and Natural Resources Office (CaPENRO) ang nabaton nga pasidungog bilang kampeon sa Excellence in Environmental Governance ukon EXCELL Awards sa ginpatigayon nga Pagdayaw 2019 sang Department of Interior and Local Government (DILG).

Suno kay CaPENRO-Head Atty. Emilyn Depon nga ang naangkon nga pasidungog sang ila hanay ang sa idalom sang liderato sang sadto anay gobernador nga si Antonio del Rosario.

Suno diri nga tuig 2017 sang gintukod ang CaPENRO sang gobyerno-probinsiyal kag 2018 gin-lunsyar ang pag-deklarar sang Hunyo 25 sang Provincial Arbor Day kag pag-lunsyar man sang One Million Trees in One Day Project.

Nahangpan man ni Depon nga tuman ka hugot ang kompetisyon sang magkatuhay nga mga kaprobinsiyahanan sa Rehiyon Sais para sa amo nga pasidungog apang nagpabilin lamang sila nga positibo kag wala nagauntat sa ila nga trabaho.

Magluwas diri, nakuha man sang probinsiya sang Capiz ang 2^nd Runner Up sa Best Performing Province; 1^st Runner Up sa Local Legislation; 1^st Runner Up sa Local Legislation; 1^st Runner Up sa Economic Governance; 2^nd Runner Up sa Social Governance; kag 2^nd Runner Up sa Administrative Governance.