ROXAS CITY – Ginaganyat ang mga Capisnon nga makigbahin sa nagapadayon nga ika-14th Regional Travel Fair, kung sa diin ginapatigayon sa isa ka mall sa Pueblo De Panay, Barangay Lawaan, Roxas City.
Sa interview sang Bombo Radyo sa Acting Deputy Chief Operating Officer for Marketing and Promotions Teresita Landan, ginpahayag sini nga ini nga programa sang tourism promotion board sa idalum sang Department of Tourism (DOT) nga may tinutuyo nga makaganyat kag maka-collaborate sa mga nagkalain-lain nga mga negosyante.
Mahibaluan nga kalakip sa amu nga programa ang ginpatigayon nga business to business meeting kung sa diin ini ang ginpakigbahinan sang 49 nga mga buyers kag 133 nga sellers nga ginakalakipan sang mga hotels ang operators nga nagikan sa bilog nga Pilipinas.
Suno kay Landan nga tagsa ka mga rehiyon, ginapromote ang ila tagsa ka mga destination sang lugar kag diri man makit-an kag makabakal sang mas barato nga tickets kag accommodation.
Ini nga programa ginahiwat kada ika-duha ka beses sa isa ka tuig nga nagsugod pa sadtong 2018 kag sa karun anum na ka tuig kag padayon.
Bangud sini, nagalaum ang DCOO nga sa katapusan nga adlaw sang programa madamo ang magapakigbahin kung sa diin ini ang nagasugod takna alas 10:00 sang aga tubtob alas 7:00 sang gab-i.
