ROXAS CITY – Suportado ni Capiz 1st District Congressman Emmanuel “Tawi” Billones, Sr. ang posible posible pagdugang sang isa ka legislative district sa probinsiya sang Capiz.
Ini ang kasunod sang ginpaguha sang Philippine Statistics Authority (PSA) nga August 2015 Census of Population nga nagapakita nga nagtimbuok pa ang populasyon sa probinsiya.
Suno kay Billones nga pananglitan madugangan sang isa pa ka legislative district ang probinsiya, mangin madasig ang pag-umwad sang mga kabanwahanan sa Capiz.
Apang sa pihak sini, nagapati man si Billones nga kinahanglan tun-an ini sang husto kag konsultahon ang tanan nga mga stakeholders sa probinsiya lakip na ang mga lideres kag mga pumuluyo.
Suno kay Billones nga pananglitan madugangan sang isa ka distrito ang probinsiya, maapektuhan diri ang komposisyon sang 1st kag second congressional districts.
Mahibaluan nga sandig sa datos sang PSA , nagalab-ot sa 761, 384 ang populasyon sang probinsiya sang Capiz.
Mahibaluan nga sandig sa 1987 Philippine Constitution, tagsa ka 250,000 nga populasyon ang nagakadapat nga may tiglawas ukon congressman sa House of Representatives kag mahimo naman ini nga makabug-os sang isa ka legislative district ukon distrito.
