ROXAS CITY – Ginpabugal sang kongresista sa premier-distrito sang probinsiya sang Capiz nga ginpainan na ini sang 1.3 bilyones pesos nga pondo para sa tuig 2020.
Ini ang ginpahayag ni Congressman Emmanuel ‘Tawi’ Billones Sr. sang mainterview sang Bombo Radyo.
Suno kay Billones nga ini ang gin-aprubahan nga pondo sang Kamara para sa premier-distrito sang probinsiya sang Capiz.
Partikular nga pagakadtuan sang nasambit nga pondo suno kay Billones amo ang para sa infrastructure projects.
Ginalakipan ini sang mga road widening kag concreting projects; bridge construction; bridge widening; flood control; barangay roads, farm to market roads kag madamo nga iban pa.
Ginklaro naman ni Billones nga indi kalakip sa amo nga pondo ang pagpatindog sang dugang nga mga eskwelahan bangud may nagakaigo man nga ginakuhaan sang pondo para diri.
Suno kay Billones nga may pipila man ka mga proyekto humalin pa sang tuig 2018 kag sini nga tuig 2019 nga naatrasar gani iya ini nga padayunon sa masunod nga tuig 2020 agud mangin mapuslanon sa mga pumuluyo.
