Hugot nga ginabantayan sang Capiz Electric Cooperative (CAPELCO) ang pag-monitor sang mga konsumidor nga ginadudahan nga nagagamit sang illegal connection ukon nagpangawat sang kuryente sa probinsya sang Capiz.
Sa interview sang Bombo Radyo Roxas kay Engr. Edgar Diaz, general manager sang CAPELCO, iya ginpahayag nga yara sa average 4 tubtob 5 ka konsumidor kada bulan ang ila na apprehend bangud sa illegal nga pagkonekta sang kuryente.
Lakip sa mga pamaagi nga ginagamit amo ang pagbutang sang jumper ukon direct line agud indi mag-agi sa metro ang aktuwal nga konsumo, pag-bypass sang metro, kag pagkakas sang grounding connection sini.
Nagpanawagan man ang natungdan mangin responsable sa paggamit sang kuryente kag likawan ang bisan ano nga porma sang illegal connection.
