Capiz ginahimo nga bagsakan sang iligal nga droga halin sa Luzon suno sa PDEA

ROXAS CITY — Ginbuyagyag sang Philippine Drugs Enforcement Agency (PDEA) Region 6 nga ginahimo nga bagsakan sang iligal nga droga gikan sa Luzon ang probinsiya sang Capiz.
Sa interview sang Bombo Radyo ginpahayag ni PDEA-6 Deputy Director Levi Ortiz nga ginapaagi sa mga pantalan sa probinsiya ang suplay sang iligal nga droga gikan sa Luzon pakadto sa iban nga mga probinsiya sa Western Visayas.
Suno pa sa iya nga tuman ka tawhay para sa mga durugista nga ipaagi ang suplay sang iligal nga droga sa mga pantalan sa Capiz.
Sa karon hugot nga monitoring ang ginapatigayon sang PDEA 6 agud madakpan ang nagapasulod sang mga iligal nga droga sa rehiyon paagi sa pagbagsak sini sa mga pantalan sa probinsiya sang Capiz.
Samtang aminado si Ortiz nga naghina naman ang pagsulod sang suplay sang iligal nga droga sa Western Visayas bangud sa pagkadakop sa dalagkuan nga mga drug personalities sa mga operasyon sang otoridad.