ROXAS CITY -Ginatugyan ni Capiz Governor Esteban Evan ‘Nonoy’ national Inter-Agency Task Force on Emerging Infectious Disease (IATF-EID) ang mangin desisyon natuhoy sa pila ka mga restrictions sa probinsiya.
Ini ang ginpahayag sang gobernador sang mainterview sang Bombo Radyo.
Suno kay Contreras nga ginpalawig ang Modified General Community Quarantine tubtob sa June 30, 2020 apisar nga mahimo na nga ipaidalum sa “new normal” ang probinsiya.
Bangud diri, nagapabilin nga wala ginapasugtan ang mga commercial flights kag biyahe sang barko sa probinisiya, magluwas gid lamang sa mga cargo deliveries.
Magluwas diri, ginapasugtan man ang mga sweeper flights kag biyahe sang barko
nga ang mga sakay amo ang mga locally-stranded individuals.
Samtang hugot sa gihapon nga ginadumilian ang pagsulod sang mga indibidwal nga indi residente sang probinsiya.
Nagpabilin man sa gihapon ang programa sang provincial government sa pagpapauli sang mga Locally Stranded Individuals (LSI’s) kag mga Overseas Filipino Workers (OFW) repatriates.
