ROXAS CITY – Preparado na ang Capiz Provincial Government, para sa palaabuton nga Capiztahan 2024.
Sa interview sang Bombo Radyo kay Atty. Luvim Amores Public Information Officer/HRMO – Capiz Provincial Government, ginpahayag sini nga ang Capiztahan 2024 makabig nga isa ka bigger, colorful kag happier festival.
Suno kay Amores, kung mas masadya ang nakaligad nga Capiztahan lauman sang tanan nga mas sobra pa ang ila masaksihan kag ma-ekperyensyahan subong nga tuig bangud madugay ini nga ginpreparahan sang gobyerno probinsyal.
Pila sa mga aktibidades nga bantayan sang tanan amu ang Maragtas Historical Parade, Surambaw Seafood Feast, Streat Party, Fireworks Display, Hangaway kag Lin-ay sang Capiz, Tagbuanay sang Maragtas, Binayle sa kalye, Balik Capiz kag madamo pa.
Sa pihak sang madamo nga mga aktibidad ginasiguro man sang probinsya sang mga magatambong ilabi na subong nga mainit ang tyempo agud malikawan ang kung anu man nga insidente.
Mahibaluan nga may yara sang P80-M nga ginpain nga pondo ang
gobyerno probinsyal sa nasambit nga selebrasyon.
