ROXAS CITY – Hugot nga ginkundenar sang gobernador sang probinsiya sang Capiz ang operasyon sang Small Town Lottery (STL).
Suno kay Governor Antonio del Rosario wala nag-agi sa public hearing ang mangin operasyon sang gaming institution sa probinsiya sa masunod nga bulan sang Agosto.
Nagpanindugan man ang opisyal nga kinahanglan ang resolusyon sang provincial board kag local government units sa mga municipalidad antes maka-operate ang STL sa isa ka lugar nga wala ginhimo sang franchise holder.
Gin-ako ni del Rosario nga magkaupod sila sang simbahan katolika nga nagapamatuk sa sugal, bangud wala ini sang maayo nga matuga sa kabuhi sang tawo sa baylo mahulog ini sa adiksyon tobtob indi na makontrol ang kaugalingon kag bisan ang kuwarta nga napartenisir sa pagkaon ang itaya pa sa sugal.
