ROXAS CITY-Ginpapanaogan sang Show Cause Order ni Capiz Governor Esteban Evan Nonoy Contreras si Roxas City Mayor Ronnie Dadivas natuhoy sa pagpamalabag nga magpauli ang barko sakay ang mga Locally Stranded Individuals gikan sa Batangas, Port.
Sandig sa show cause order, ginahatagan sang 72 oras si Dadivas nga magsabat natuhoy sa pagpamalabag sa pagpauli sang barko sakay ang kapin sa 53 ka mga LSI’s nga na gikan sa Batangas Port kahapon nga adlaw.
Dugang pa sa show cause order nga indi lamang mga residente sa siyudad ang sakay sang barko bangud kalakip man ang mga LSIs nga nagapauli sa mga kabanwahanan.
Nahibaluan nga may yara sang Letter of Acceptance ang pagpauli sang mga LSIs nga sakay sang nasambit nga barko kag nakakoordinar sa Philippine Coast Guard.
Nagpaandam naman si Gov. Contreras nga sa tion nga indi makasabat si Dadivas, magapasaka ini sang administrative case batuk sa nasambitan nga alkalde.
