ROXAS CITY – Ginpasalig ni Capiz Govenor Esteban Evan Nonoy Contreras nga magahatag ini sang bulig sa duha ka mga frontliners sang banwa sang Sigma nga napatay sa natabo nga vehicular accident sa National Highway sang Barangay Ondoy, Ivisan, Capiz.
Ginpahayag ni Contreras nga ginmanduan sini si PDRRMO head Judy Grace Pelaez nga magpakig-angut sa mga himata sang mga biktima nga sanday Darius Yap kag Ernie Fulgencio agud mahatagan sang nakaigo nga bulig.
Suno kay Contreras nga ginkasubo sini ang natabo sa duha ka mga frontliners nga napatay samtang nagpanerbisyo sa probinsiya.
Samtang ginpasalig naman ni Contreras nga magapakig-angut ini kay Provincial Director Police Colonel Julio Gustilo Jr., sang Capiz Police Provincial Office nga mahatagan sang nagakaigo nga hustiya ang kamatayon sang duha ka mga frontliners.
Sa karon nahaya na ang bangkay sang duha ka mga frontliners sa banwa sang Sigma samtang ang pilason naman nga si John Rey Castillon ang padayon pa nga ginabulong sa ospital.
