Ginakabig ni Capiz Gov. Fredenil Castro bilang daku nga la ang reklamo nga gin-file batok sa iya kag sa apat pa ka opisyal sang provincial government sa Office of the Ombudsman-Visayas.
Suno kay Castro nga wala sang malain sa pagkuha sang mga abogado agud makabulig sa mga legal nga kinahanglanon sang provincial government.
Naglahog pa ini nga kun mapreso siya bangud sa kaso, posible man nga maupod niya ang iya mga co-respondent nga si Vice Gov. Jaime O. Magbanua.
Ginpahanumdom sang Office of the Ombudsman-Visayas nga kinahanglan magsumiter si Castro kag ang apat pa ka respondent sang ila counter-affidavits kag mga ebidensya sa sulod sang 15 ka adlaw halin sa ila pagbaton sang order.
Ang amo nga order, nga may petsa Agosto 20, 2026, ginpirmahan ni Deputy Ombudsman for the Visayas Dante Flores Vargas kag officer-in-charge Katherine Genovesa-Mahawan.
Sandig sa Ombudsman, may yara sang sufficient basis para ipadayon ang preliminary investigation kag administrative adjudication, apang wala ini nagakahulugan nga nakit-an na nga guilty ukon administratively liable ang mga respondent.
Lakip sa mga ginreklamo sanday Vice Gov. Magbanua, Provincial Administrator Arthur John H. Biñas, Provincial Legal Officer Maria Leobeth Deslate Delicana, kag Sangguniang Panlalawigan Secretary Zoe G. Herrera Jr.
Ang reklamo gin-file ni former provincial government employee Fernando F. Garcia Jr. sang Enero 10, 2024 ang reklamo batok sa lima ka opisyal.
Sa ginapadayon nga preliminary investigation, hatagan sang kahigayunan si Castro kag ang iban pa nga respondents nga magsabat sa mga alegasyon kag magpresentar sang ila mga ebidensya antes magdesisyon ang Ombudsman kon kinahanglan pa ang dugang nga proceedings.
