ROXAS CITY – Sa kagustuhan nga maamligan ang medical staff sang ospital magabakal si Governor Esteban Evan Contreras II sang personal protective equipment.
Suno kay Governor Esteban Evan Contreras, tinutuyo sini nga ma-protektahan ang
mga nurses ukon doktor nga magaatipan sa mga Person’s Under Investigation nga pagadalhon
sa ospital para indi sila malatnan sang nCOV na malapnagon sa iban nga pungsod.
Nagapati ang gobernador nga dapat man panumdumon ang kaluwasan sang medical staff nga maga-asikaso sa mga PUI’s bangud may importante sila nga papel para indi na maglapta pa ang nasambit nga virus.
Nauna diri, nagpatawag sang emergency meeting si Governor Contreras kaupod ang nagkalain lain nga ahensiya sang gobyerno para estoryahan ang himoon nga tikang agud indi na magdamo pa ang mga PUI’s sa probinsiya sang Capiz.
